U milicyju Viciebska stali pastupać zajavy ad žycharoŭ šmatpaviarchovikaŭ ab tym, što pa načach chtości abkradaje ich padvały. Nie hrebavali złamyśniki navat starymi rečami. Padčas čarhovaha kradziažu ich zdabyčaj stali staryja špalery i para małatkoŭ. Usiaho za čas svajoj kryminalnaj dziejnaści achviarami načnych uzłomščykaŭ stali bolš za 50 čałaviek.
Jak vyśvietliłasia, kradziažami zajmałasia para sužycielaŭ. 23-hadovy mužčyna i jaho 36-hadovaja siabroŭka padychodzili da spravy hruntoŭna. Dla čarhovaha «pachodu» jany brali naprakat aŭtamabil i na im padjazdžali da doma.
Narabavanaja majomaść vyvoziłasia ŭ haražy, i zachoŭvałasia tam. Złodziei nie śpiašalisia pradavać skradzienaje, a tamu praktyčna ŭsio vykradzienaje padčas šmatlikich kradziažoŭ atrymałasia znajści.
