hurriyetdailynews.com
U Čornym mory zatanuŭ suchahruz «Vołha-Bałt-214», što vyjšaŭ z rasijskaha Azova. U skład ekipaža ŭvachodzili hramadzianie Rasii, Ukrainy i Azierbajdžana. Pa dadzienych tureckich ŚMI, častku marakoŭ vyratavali, ale nie abyšłosia i biez achviar.
Jak minimum dvoje marakoŭ zahinuli pry krušeńni ŭ Čornym mory suchahruza «Vołha-Bałt-214», paviedamlaje kamandavańnie bierahavoj achovy Turcyi. Pa dadzienych uładaŭ tureckaj pravincyi Samsun, la bierahoŭ jakoj adbyłosia krušeńnie, sihnał biedstva pastupiŭ kala 8:00, paśla čaho na dapamohu byli adpraŭlenyja vyratavalnyja karabli i viertaloty.
Pa dadzienych bierahavoj achovy, na borcie suchahruza, jaki vyjšaŭ z rasijskaha porta Azoŭ i nakiroŭvaŭsia ŭ turecki Samsun, było 13 čałaviek. Ahienctva Anadolu udakładniaje, što 9 ź ich byli ukraincami, dvoje — azierbajdžancami i jašče dvoje rasijanami.
Ratavalnikam da ciapierašniaha času ŭdałosia padniać z vady i dastavić na bierah siemiarych vyžyłych i cieły dvuch zahinułych.
