U Mahnitahorsku ratavalniki znajšli pad zavałami žyvoje 11-miesiačnaje dzicia, napisaŭ u telehramie hubiernatar Čelabinskaj vobłaści Barys Dubroŭski. Niemaŭla adpravili ŭ reanimacyju.
«Ratavalniki pačuli płač. Dzicia ŭratavała toje, što jano było ŭ koječcy i ciopła zachutanaje», — napisaŭ Dubroŭski.
Momant trapiŭ na videa:
U vyniku vybuchu ŭ panelnym šmatpaviarchoviku ŭ Mahnitahorsku dziasiatki ludziej apynulisia pad zavałami. Imavierna, bolšaść ź ich zahinuła.
Ubohi stan infrastruktury ŭ Rasii pryvodzić da šmatlikich technahiennych katastrof. Adnak vybuchi ŭ damach vyklikajuć u hramadskaści asablivyja padazreńni, paśla taho jak u 1999 hodzie prychod da ŭłady Uładzimira Pucina adbyŭsia na fonie łancuha vybuchaŭ u žyłych damach. Adkaznaść tady ŭskłali na čačenskich partyzan.
Vierahodnaj pryčynaj vybuchu ŭ Mahnitahorsku ličać vyciek pabytovaha hazu.