Pra heta hałoŭny redaktar «Echo Moskvy» Alaksiej Vieniadziktaŭ zajaviŭ padčas adnaho z efiraŭ, adkazvajučy na pytańnie słuchača, ci mahčyma i jakim čynam padaŭžeńnie terminaŭ kiravańnia Pucina.
«Adzin z varyjantaŭ padaŭžeńnia paŭnamoctvaŭ, jak kiraŭnika dziaržavy Uładzimira Pucina źjaŭlajecca abjadnańnie, anieksija, dałučeńnie, sajuz z Respublikaj Biełaruś. Heta adzin z varyjantaŭ. Mahčymyja i inšyja», — miarkuje Vieniadziktaŭ.
Na dumku žurnalista, prosta tak subsidavać brackuju dziaržavu rasijski ŭrad užo prosta nie nie žadaje, a nie moža. I za subsidyi treba čymści raspłačvacca.
«Čym Biełaruś moža raspłačvacca? Suvierenitetam, naprykład. I ŭ hetym sensie, kali heta ŭsio złučajecca, skručvajecca takim čynam, to ja dapuskaju mahčymaść stvareńnia adzinaj dziaržavy, adzinaha haspadara na praciahu 3-4 hadoŭ. Nu, hladzicie. U 21-m hodzie ŭ nas vybary ŭ Dziarždumu. A čamu adnačasova nie pravieści pa adzinych praviłach vybary ŭ parłamient sajuznaj dziaržavy, užo nie składzieny delehacyjami, a vybarami. I pačać nie z adzinaha prezidenta, a z adzinaha parłamienta, naprykład. U 21-m. Voś tabie, kali łaska».
Łukašenka ŭ hetym vypadku moža zaniać pasadu vice-prezidenta, staršyni Rady biaśpieki. Abo piensijaniera ŭ Krymie, žartuje Vieniadziktaŭ.
«Uładzimir Uładzimiravič, pačynajučy z 2008 hoda, uvajšoŭ u rolu intehratara. Adnaŭlalnika ruskaha śvietu. Rasijskaj impieryi.
Znoŭ-taki ŭ jaho razumieńni, nakolki ja razumieju, niama nijakaha asobnaha biełaruskaha, kali niama asobnaha ŭkrainskaha naroda, to niama nijakaha biełaruskaha naroda. Adziny narod.
Nie budziem nazyvać, jaki jon, adziny. Voś jon adziny narod. Jon padzieleny narod. Jak Niamieččyna była, dzie jon słužyŭ u HDR, padzielenyja narody. Voś jon padzieleny histaryčna i niespraviadliva. I jon uvajšoŭ u rolu intehratara. I heta spraviadliva. Ja prosta heta słova zhadvaŭ jašče da słova «intehracyja». Heta pieršaje. Voś jak Krym. Biełaruś — heta Krym. Niespraviadliva, ale tak atrymałasia. Ale niespraviadliva. Nu, ciapier budzie spraviadliva. Pa-pieršaje, adnaŭleńnie spraviadlivaści. Pa-druhoje, heta adkryvaje varoty dla manipulacyi z palityčnaj sistemaj dla padaŭžeńnia paŭnamoctvaŭ. Pa-treciaje, ruski śviet adnaŭlajecca», — miarkuje Vieniadziktaŭ.
