Sierby vyjšli na šmattysiačnuju akcyju pratestu ŭ Biełhradzie suprać prezidenta krainy Alaksandra Vučyča i kirujučaj partyi. Demanstranty skandavali «Vučyč — złodziej», patrabavali svabody ŚMI i spynieńnie pieraśledu žurnalistaŭ i apazicyjanieraŭ. Pra heta paviedamlaje Reuters.
Heta ŭžo čaćviortaje takoje šeście praz centr horada za apošnija tydni.
Nahodaj staŭ napad na apazicyjnaha palityka ŭ kancy listapada. Praciŭniki ŭłady ŭpeŭnieny, što ataku spravakavali słovy kiraŭnika dziaržavy, u jakich jon raskrytykavaŭ paciarpiełaha. Jany taksama śćviardžajuć, što sierbski lidar kantraluje asnoŭnyja ŚMI, a jaho partyja karumpavanaja.
Sam Vučyč zajaviŭ, što jon «hatovy pahladzieć, što vyklikaje niezadavolenaść u ludziej».
0
0
0
0
0
0