Minsk hatovy aktyvizavać dziejnaść pracoŭnaj hrupy pa pytańniach rasijska-biełaruskich adnosin paśla kaladnych śviataŭ. Pra heta zajaviŭ Alaksandr Łukašenka na pieramovach u Kramli z Uładzimiram Pucinym, paviedamlaje TASS.
Fota: kremlin.ru.
«My nikoli adzin adnamu nadakučyć nie zmožam, tamu što jość pytańni, jakija treba abmiarkoŭvać, heta naša praca. My ŭ minuły raz damovilisia, što my surjozna pahavorym pra dalejšaje naša suisnavańnie ŭ hetym ciažkim, tlennym śviecie, nikudy ad hetaha nie syści i nie dziecca, tamu što mnohija prablemy treba vyrašać», — skazaŭ Łukašenka.
Jon dadaŭ, što biełaruski bok pracavaŭ nad uzhadnieńniem pracoŭnaj hrupy, nad pytańniami, jakija baki pavinny razhledzieć dla pieraadoleńnia pieraškod, «jakija stajać na šlachu našaj intehracyi».
«My takuju hrupu sfarmavali, takim ža čynam, jak i vy, pa składzie i kiraŭnictvie. Dumaju, što paśla kaladnych śviataŭ my hatovyja, jak i rasijanie, pracavać, tym bolš, što ŭsie pytańni prapisanyja ŭ Sajuznym dahavory, my ich pieraličvali ŭ minuły raz. I dobra, što my narešcie padyšli da vyrašeńnia hetych pytańniaŭ», — zajaviŭ kiraŭnik Biełarusi.