Ministr unutranych spraŭ Ihar Šunievič daŭ intervju telekanału ANT. Jon staŭ hościem Marata Markava ŭ pieradačy «Ničoha asabistaha». Viadučy ad samaha pačatku zakranuŭ temu vykazvańniaŭ čynoŭnikaŭ pra ŁHBT-supolnaść.
«Ja pačnu rezka. Isnuje peŭnaja katehoryja hramadzian, jakich ja, — prabačcie za słenh, heta moj termin, maja definicyja — nazyvaju «dziravyja». Niekatoryja ź ich zrabili sabie adtuliny ŭ tych miescach, jakija pryrodaj nie praduhledžanyja.
Niekatoryja hetyja adtuliny vykarystoŭvajuć nie pa pryznačeńni. A niekatoryja — sapraŭdy dzirka. U adukacyi, vychavańni, kultury, intelekcie.
Niekatoryja ŭsio heta kambinujuć. Zadača ŭ ich usich adna, heta ŭsim zrazumieła: blisnuć u ŚMI, u internecie, nabrać peŭnuju kolkaść sabačych vokličaŭ, jak ja ich nazyvaju, łajkaŭ. Naturalna, atrymać hranty ad svaich zakardonnych kurataraŭ. I zadavolić svajo chvaravitaje eha», — skazaŭ Šunievič.
Kali Marat Markaŭ adznačyŭ, što ministr chajpuje na temie «dziravych», to Šunievič adkazaŭ nastupnaje:
«Kali maja farmuloŭka i budzie padchoplenaja, to heta značyć, što ja trapiŭ u kropku», — adkazaŭ čynoŭnik.
«Tak, trapili», — zhadziŭsia viadučy.
