27 śniežnia pinski sud abviaściŭ ab pakarańni dyrektaru siaredniaj škoły № 18 Fiodaru Radzionu, jaki abvinavačvaŭsia ŭ naŭmysnym pryčynieńni cialesnych paškodžańniaŭ. Pra heta paviedamiła Tut.by pinčanka Kaciaryna Cichančuk, jakaja prachodziła pa spravie jak paciarpiełaja.
Uvachod u pinskuju škołu № 18. Fota: Tut.by.
Sud pryznaŭ dyrektara vinavatym i pryznačyŭ 15 bazavych vieličyń štrafu — 367,5 rubloŭ.
Prysud nie ŭstupiŭ u zakonnuju siłu i moža być abskardžany.
Nahadajem, u vieraśni ŭ dvary škoły № 18 Pinska paŭstaŭ kanflikt pamiž dyrektaram Fiodaram Radzionam i dvuma chłopčykami — synam Kaciaryny Mišam i Dzianisam Žukom. Vučni na skiejtach i samakacie katalisia na hanku navučalnaj ustanovy. Supracoŭniki škoły sprabavali ich prahnać, tyja paprasili paklikać dyrektara. Viersii pra toje, što było dalej, razychodziacca. Rodnyja chłopcaŭ zapeŭnivali: dyrektar vyjšaŭ, schapiŭ ich synoŭ, «jak kacianiat», i sutyknuŭ hałovami. Blizkija kiraŭnika nazyvali sutyknieńnie vypadkovym.
Śledčy kamitet pravioŭ pravierku, ale składu kryminalnaha złačynstva nie znajšoŭ. Tady milicyja nakiravała materyjały administracyjnaj spravy ŭ sud.
Fiodaru Radzionu staviłasia ŭ vinu toje, što 11 vieraśnia, znachodziačysia ŭ pryjomnym 2-ha paviercha škoły № 18, jon rukoj chapaŭ za pravuju ruku Cichančuk Kaciarynu i naŭmysna pryčyniŭ joj cialesnyja paškodžańni ŭ vyhladzie siniakoŭ na vonkavaj pavierchni pravaha plača i pieradplečča. Akramia taho jon rukoj schapiŭ za šyju starejšaha syna Kaciaryny Andreja i pryčyniŭ cialesnyja paškodžańni ŭ vyhladzie siniakoŭ na pravaj i levaj pavierchni šyi.
