Naftavyja kaciroŭki na suśvietnych biržach pierajšli da źnižeńnia. Prykładna za try hadziny cana barala Brent, što ŭzdymałasia ranicaj amal da $62, upała bolš čym na $ 3. Na minimumie jana dasiahnuła adznaki $ 58,42, što na 5,1% nižej za ŭzrovień zakryćcia papiarednich tarhoŭ.
Adnačasova na 5% patańnieła i nafta marki WTI, cana barala jakoj źniziłasia da $ 50,24.
Rezkaje źnižeńnie naftavych kacirovak adbyłosia paśla zajavy ministra enierhietyki Saudaŭskaj Aravii Chalida al-Falicha, što krainam APIEK i dziaržavam — partnioram aljansu pakul nie ŭdałosia damovicca ab abjomach skaračeńnia naftazdabyčy. Saudaŭski ministr adznačyŭ, što abmiarkoŭvajecca mahčymaść skaracić sutačnuju zdabyču na 0,5-1 młn bar., adnak zachoŭvajecca ryzyka, što ŭdzielniki pieramovaŭ nie zdalejuć pryjści da pahadnieńnia.