Pieršy namieśnik ministra achovy zdaroŭja Dźmitryj Pinievič adznačyŭ, što Biełaruś nie zusim karektna paraŭnoŭvać ź Jeŭropaj pa tempach zaražeńnia VIČ, paviedamlaje BiełTA.
Čytajcie taksama: Biełaruś nazvali adnym ź lidaraŭ pa tempach raspaŭsiudu VIČ u Jeŭropie
Jak adznačyŭ Dźmitryj Pinievič, siońnia karektniej było b paraŭnoŭvać danyja pa Biełarusi z danymi pa krainach Uschodniaj Jeŭropy i Centralnaj Azii (UJECA), a nie hieahrafična ź Jeŭropaj.
Epidemija VIČ-infiekcyi ŭ Zachodniaj i Centralnaj Jeŭropie raźvivałasia pa-roznamu i zusim inakš — u postsavieckich krainach, rehijonie UJECA, dzie asnoŭnaj uraźlivaj hrupaj stali spažyŭcy injekcyjnych narkotykaŭ i adznačaŭsia značny rost vypadkaŭ u 1990-ja i 2000-ja z vychadam infiekcyi na šyrokuju papulacyju.
U krainach Zachodniaj i Centralnaj Jeŭropy epidemija dahetul łakalizavanaja va ŭraźlivyja hrupy, u asnoŭnym siarod mužčyn, jakija majuć seks z mužčynami. Tamu ŭsie mižnarodnyja arhanizacyi, u tym liku SAAZ, raspracoŭvajučy svaje prahramy pa VIČ, uklučajuć Biełaruś u rehijon UJECA, a nie pavodle hieahrafičnaha pryncypu ŭ Jeŭropu.
