U MZS RF zajavili, što Maskva rašuča adchilaje lubyja abvinavačvańni ŭ ahresiŭnych i niezakonnych dziejańniach u Azoŭskim mory i Kierčanskim pralivie, piša TASS.
Rasija pieraścierahaje Ukrainu ad sprobaŭ pierahledzieć ciapierašni status Azoŭskaha mora, jakija supiarečać mižnarodnamu pravu. Pra heta havorycca ŭ pašyranaj u sieradu zajavie MZS RF.
Jak adznačajecca, Maskva «adkrytaja da kanstruktyŭnaha dyjałohu pa situacyi ŭ Azoŭskim mory. U MZS zaklikali Kijeŭ «ustrymacca ad lubych avantur», skiravanych na «adnabakovaje vyznačeńnie dziaržmiažy ŭ Azoŭskim mory, jakuju RF nie pryznaje».
U rasijskim dypviedamstvie papiaredzili, što «adkaznaść za mahčymaje dalejšaje abvastreńnie situacyi ŭ Azova-Kierčanskaj akvatoryi kładziecca na Ukrainu i dziaržavy, što padtrymlivajuć jaje pravakacyjnyja dziejańni». Taksama Maskva adchilaje ŭsie abvinavačańni Kijeva ŭ ahresiŭnych i niezakonnych dziejańniach u Kierčanskim pralivie i Azoŭskim mory.
U MZS RF śćviardžajuć, što Rasija nie naroščvaje vajskovuju prysutnaść u rehijonie, nasupierak zajavam Kijeva i Brusiela, udakładniŭšy, što ŭ asnoŭnym dysłakavanyja tam siły vykarystoŭvajucca dla achovy Krymskaha mosta.
