Pałažeńnie ab Kamitecie dziaržaŭnaha kantrolu zaćvierdžana ŭkazam prezidenta № 647 ad 27 listapada.
Pavodle infarmacyi pres-słužby biełaruskaha kiraŭnika, u adpaviednaści z pałažeńniem prezident ažyćciaŭlaje ahulnaje kiraŭnictva i kantrol dziejnaści kamiteta. Ź jaho zhody KDK moža stvarać ustanovy i zaćviardžać ich statuty.
Na KHK "uskładzieny asnoŭnyja zadačy pa zabieśpiačeńni ekanamičnaj biaśpieki krainy, vyjaŭleńni sistemnych parušeńniaŭ haspadarčaha i padatkovaha zakanadaŭstva, admoŭnych tendencyj u ekanomicy i sacyjalnaj śfiery, ažyćciaŭleńni kantrolu za pryniaćciem mier pa debiurakratyzacyi dziaržaŭnaha aparatu".
Kamitetu dziaržkantrolu pradastaŭleny paŭnamoctvy pa pryniaćci ŭ miežach svajoj kampietencyi narmatyŭnych pravavych aktaŭ.
Ukaz rehuluje pytańni kampiensacyi koštu vytvorčaści eśpiertyz (daśledavańniaŭ), jakija pravodziacca pa rašeńni orhanaŭ KDK, abaviazkovaha dziaržaŭnaha strachavańnia supracoŭnikaŭ orhanaŭ KDK i inšyja pytańni arhanizacyi dziejnaści kamiteta.
