Rekordny džekpot u 1,6 miljarda dalaraŭ razyhrany u łatarei ŭ ZŠA, paviedamili arhanizatary łatarei Mega Millions.
Vyjhrali numary 5, 28, 62, 65, 70 i «miehašar» 70.
Vyjhryšny bilet pradali ŭ Paŭdniovaj Karalinie.
Pakul nieviadoma, ci jość inšyja vyjhryšnyja kvitki. Kali pieramožcaŭ akažacca niekalki, to sumu paroŭnu padzielać pamiž imi.
Pieramožca łatarei moža pahadzicca na adnarazovuju vypłatu, tady pamier jaho vyjhryšu pamienšycca da 905 miljonaŭ dalaraŭ. Jon taksama moža atrymać vyjhryš pa častkach na praciahu 29 hadoŭ.
U sieradu ŭ inšaj łatarei Powerball budzie razyhrany jašče adzin džekpot ź liku rekordnych — bolš za 600 miljonaŭ dalaraŭ.
Dźvie najbujniejšyja łatarei ZŠA Mega Millions i Powerball niadaŭna źmianili svaje praviły takim čynam, što šancy asobnych hulcoŭ, i biez taho astranamičnyja mizernyja, źmienšylisia jašče bolš. Adnak razam z hetym u łatarejach stali razyhryvać rekordnyja džekpoty, što pryciahnuła dadatkovych pakupnikoŭ.
Kali nichto nie vyjhraje džekpot u aŭtorak, nastupny rozyhryš moža ŭzraści da dvuch miljardaŭ dalaraŭ.
