U 19.30 la mienskaj turmy na vuł. Vaładarskaha była žorstka razahnanaja akcyja ŭ padtrymku Alaksandra Barazienki. Jaje ŭdzielniki, jakija stajali z partretami palitviaźnia, a taksama žurnalisty — usiaho 15 čałaviek -- zatrymanyja.
Źmitru Chviedaruku ŭdałosia ŭ apošni momant paźbiehnuć zatrymańnia.
Zaraz jany znachodziacca ŭ RUUSie Maskoŭskaha rajonu Miensku. Milicyjanty pierapisvajuć pašpartnyja źviestki. Tych, chto ŭžo raniej prachodziŭ daktylaskapičnuju rehistracyju, adździalili ad astatnich. Siarod zatrymanych — były palitviazień Artur Fińkievič, a taksama Michał Paškievič, Maksim Viniarski, Palina Kurjanovič, Palina Dziakava, Alaksandar Sierhijenka, Vikiencij Mańko (heta rodny dziadźka A. Barazienki), Bahusłaŭ Raviakoŭ. Zatrymanaja była i fatohraf NN Julija Daraškievič.
20:59 Pačynajuć pacichu vyzvalać. Pryčym tych, chto raniej zdavaŭ adbitki palcaŭ, vyzvalajuć. Milicyjanty, skarystaŭšysia niečuvanaj udačaj, biaruć adbitki palcaŭ u inšych.
21:20 Milicyjanty pajšli ŭ inšy pakoj źviarać najaŭnyja adbitki palcaŭ. Pakoj, u jakim siadzieła rešta zatrymanych, atrymaŭsia, jak by tak mović, nie pad achovaj.
Siadzielcy parazvažali-parazvažali i vyrašyli syści pa-anhielsku, nie raźvitaŭšysia. A sapraŭdy, navošta ludziej ad pracy adciahvać? :)
La ścienaŭ Vaładarki, dzie ŭtrymlivajuć Alaksandra Barazienku, sabralisia 17 čałaviek z roznych moładzievych arhanizacyjaŭ
Zatrymlivajuć Palinu Dziakavu, Palinu Kurjanovič, Maksima Viniarskaha i Aleha Ładućku
Zatrymlivajuć Michaiła Paškieviča, lidara «Maładych demakrataŭ»
Nie paźbiehli zatrymańnia i rodnyja ciotka i dziadźka palitviaźnia Barazienki. Razam z aktyvistami ich zapchali ŭ milicejski «bobik». Supracoŭnik milicyi (u centry) skazaŭ, što im zapłacili za pikiet :)