Jak stała viadoma «Našaj Nivie», u ahienctvie «Minsk-Naviny» źmianiajecca kiraŭnictva — vykanaŭcam abaviazkaŭ dyrektara z 28 žniŭnia stanie eks-kiraŭnik STB Juryj Kazijatka.
Raniej dyrektarkaj była Kaciaryna Dubinskaja, a Kazijatka byŭ jaje namieśnikam.
Infarmacyju paćvierdzili ŭ pryjomnaj ahienctva, ale zhadanych asobaŭ na pracoŭnych miescach siońnia niama.
Juryj Kazijatka.
***
Kazijatka byŭ adstaŭleny razam z Paŭłam Jakubovičam i Hienadziem Davydźkam u čas lutaŭskaj ratacyi kirujučych kadraŭ ŚMI.
STB jon uznačalvaŭ z 2005 hoda.
Paśla sychodu z telebačańnia Kazijatka zastaŭsia členam Savieta Respubliki i trapiŭ u «Minsk-Naviny» namieśnikam dyrektara, adkaznym «za raźvićcio».
Svaju prafiesijnuju karjeru Kazijatka pačynaŭ na BT u pačatku 2000-ch, jon i Alaksandr Zimoŭski byli hałoŭnymi tvarami prapahandy ŭ toj čas.
Ahienctva «Minsk-Naviny» naležyć Minharvykankamu. U skład chołdynha ŭvachodziać haziety «Minski kurjer» i «Viačerni Minsk», časopis «Areli», «Radyjo Minsk» i sajt minsknews.by.
