Niezvyčajnuju abviestku źmiaściŭ u svaim fejsbuku barysaŭski kaval Aleś Pancialej. Jon vystaviŭ na aŭkcyjon kačarhu, jakoj varušyŭ raskalenaje vuhalle kiraŭnik Biełarusi Alaksandr Łukašenka. Adbyvałasia heta na adkryćci Mirskaha zamka.
Aleś Pancialej. Fota z fejsbuka Antona Astapoviča.
Pancialej choča za artefakt 500 dalaraŭ. Kaža, što za hetyja hrošy pojduć na dobraŭparadkavańnie vioski Dudzinka. «Treba naniać traktar, hrejdanuć darohu ŭ Dudzinku, a to zusim niemahčyma jeździć stała», — kaža jon. Astatnija hrošy puścić na padtrymku kuźni. «Kab kaval nie pajšoŭ pracavać na lesapiłku», — śmiajecca Pancialej.
«Na łot aŭkcyjona moh by źviarnuć uvahu BRSM. Kupili b, paviesili ŭ hałoŭnym ofisie. Členy mahli b dakranacca da historyi. Jašče mahli b kupić kačarhu «apošniaha dyktatara Jeŭropy» žychary zachodnich dziaržavaŭ. Nie lišniaj kačarha, da jakoj dakranaŭsia pieršy prezident, była b i ŭ muziei najnoŭšaj historyi», — napałovu žartuje, napałovu surjozna piša kaval.