Fota: Kirył Franskievič, «Vajar».
Pieršy biełaruski tankavy ekipaž pakazaŭ siońnia najlepšy vynik u zajeździe indyvidualnaj honki konkursu «Tankavy bijatłon», jaki prachodzić na palihonie Ałabina (Maskoŭskaja vobłaść Rasii) padčas armiejskich mižnarodnych hulniaŭ ArMI-2018, paviedamili BiełTA ŭ pres-słužbie Ministerstva abarony.
U dyscyplinie ŭdzielničajuć pa try ekipažy ad kožnaj krainy. Konkurs padzieleny na zajezdy. Biełaruskija tankisty ŭdzielničali ŭ zajeździe z kamandami ź Siryi i Tadžykistana. «Pieršy biełaruski ekipaž u svaim zajeździe patrapiŭ va ŭsio mišeni i abahnaŭ sapiernikaŭ na cełaje koła. Jaho čas — 22 chviliny 37 siekund — najlepšy ŭ zajeździe», — adznačyli ŭ pres-słužbie.
U konkursie tankistaŭ udzielničajuć kamandy z 23 krain. Udzielnikam indyvidualnaj honki naležyć chutka i dakładna z štatnaha ŭzbrajeńnia vybić mišeni «ručny supraćtankavy hranatamiot», «supraćtankavy rakietny kompleks», «tank» i «viertalot». Na maršrucie trasy ekipažy majuć pieraadoleć šerah pieraškod. Vynik zajezdu składvajecca z ahulnaha času za prachodžańnie dystancyi i naličanaj kolkaści štrafnych bałaŭ. Dvanaccać kamand konkursu, jakija nabrali najbolšuju kolkaść bałaŭ pa vynikach «Indyvidualnaj honki», vychodziać u paŭfinał etapu «Estafieta».
Usiaho prahrama hulniaŭ uklučaje 28 konkursaŭ. Biełaruskija vajskoŭcy płanujuć uziać udzieł u 16 ź ich, siarod jakich «snajpierski rubiež», «Voin Sadružnaści» i «Tankavy bijatłon».
ArMI prachodziać z 28 lipienia pa 11 žniŭnia na terytoryi siami krain: Azierbajdžana, Armienii, Biełarusi, Irana, Kazachstana, Kitaja i Rasii. Na terytoryi Rasii adbuducca 18 konkursaŭ. Iran prymie konkurs vajennych vadałazaŭ «Hłybinia». U Azierbajdžanie projdzie «Kubak mora» — spabornictva ekipažaŭ nadvodnych karabloŭ. U Kazachstanie za pieramohu buduć zmahacca artyleryjskija raźliki, vajennyja suviazisty i ekipažy bieśpiłotnych latalnych aparataŭ. Armienija praviadzie spabornictva vajskoŭcaŭ SND «Voin Sadružnaści».
Na terytoryi Biełarusi z 28 lipienia pa 11 žniŭnia adbyvajecca konkurs «Snajpierski rubiež». Jaho prymaje palihon pad Brestam.
Biełaruś udzielničaje ŭ Armiejskaj mižnarodnych hulniach z 2015 hoda.
