Matyŭ zachopu zakładnicy ŭ Zasłaŭi nie źviazany z bankam. Pra heta raskazała pradstaŭnica Śledčaha kamiteta Julija Hančarova na «Alfa Radyjo». Pavodle Julii Hančarovaj, matyŭ złačynstva źviazany ź siamiejnymi adnosinami.

Fota: BiełTA.

Fota: BiełTA.

«Mnohija źviazvali padzieju z bankam, kredytam, atrymańniem i admovaj u vydačy kredytu. Jon byŭ miescam ździajśnieńnia złačynstva — tak zdaryłasia, što niejkija ŭnutrysiamiejnyja vyjaśnieńni adbylisia ŭ banku, dzie znachodzilisia ludzi. Bank staŭ miescam, ale nie padstavaj — takaja pieršapačatkovaja infarmacyja. Tamu ŭsie «kredytnyja pytańni» mocna pierabolšanyja ŚMI», — adznačyła aficyjnaja pradstaŭnica SK.

18 lipienia 46-hadovy mužčyna z nažom u adździaleńni banka ŭ Zasłaŭi ŭziaŭ u zakładnicy svaju 23-hadovuju dačku. Pravaachoŭniki bolš za dźvie hadziny viali pieramovy. Jak raskazaŭ ministr unutranych spraŭ Ihar Šunievič, paśla biespaśpiachovych pieramoŭ była praviedziena siłavaja apieracyja. Zakładnicu vyzvalili, a jaje baćku siłaviki zabili.

Клас
Панылы сорам
Ха-ха
Ого
Сумна
Абуральна