57 miljonaŭ rubloŭ atrymali paciarpiełyja ad vybuchu ŭ Minsku 4 lipienia.
Jak raspaviała sakratar kamisii pa akazańni dapamohi achviaram zdareńnia pry Minharvykankamie Śviatłana Šelanhoŭskaja, jany atrymlivajuć hrošy bieznajaŭnym raźlikam na rachunak u «Biełarusbanku». Srodki traplajuć tudy z prezidenckaha biudžetu.
«Hrošy pieraličvajucca na zvyčajny rachunak u Biełarusbanku z prezidenckaha fonda. Na siońnia pieraličana dapamohi na 57 miljonaŭ rubloŭ».
U zaležnaści ad ciažkaści ranieńnia paciarpiełyja atrymlivajuć ad 20 da 100 bazavych vieličyniaŭ (700 tys. - . 3,5 młn) Kali ŭ vyniku vybuchu jany stali invalidami, to suma vypłaty pavialičvajecca da 200‑400 bazavych (7 młn - 14 młn). Dla taho, kab atrymać takuju dapamohu, spačatku nieabchodna napisać zajavu.
Śviatłana Šelanhoŭskaja: «Jość ukaz i narmatyŭnyja akty, my pracujem zhodna z ukazam. My abzvanili ŭsich paciarpiełych. Jany padali zajavy. Pa aŭtorkach prachodziać kamisii. Pa vynikach pasiadžeńniaŭ na praciahu troch dzion, ja adpraŭlaju im list, što ich zajava razhledžana, pryniata takoje rašeńnie, vam akazana dapamoha».
Na dadzieny momant dapamohu ŭžo atrymali bolš za 40 čałaviek. Adzin ź ich, 23‑hadovy Anatol Šynkievič, jaki pracuje na Minskim traktarnym zavodzie, atrymaŭ 50 bazavych vieličyniaŭ.
Anatol Šynkievič: «Paru tydniaŭ tamu mnie zapłacili 1 750 000 rubloŭ. Ja kampiensacyjaj zadavoleny. Paśla traŭmy zastaŭsia tolki siniak, ale jon nie balić».
Pakul dapamohu atrymali nie ŭsie: u kahości nie zrobleny pašpart, jość ludzi ź inšych haradoŭ. Ale ŭ vykankamie kažuć, što raniej ci paźniej kožny paciarpieły atrymaje hrošy.
