Mienš za sutki spatrebiłasia supracoŭnikam kryminalnaha vyšuku na raskryćcio dvuch rezanansnych złačynstvaŭ na Stolinščynie, paviedamlaje BiełTA.
U milicyju źviarnuŭsia 31-hadovy pradprymalnik — hramadzianin Azierbajdžana. Jon paviedamiŭ, što pozna ŭviečary na aŭtastajancy ŭ vioscy Vysokaje nieviadomy streliŭ ź pnieŭmatyčnaj zbroi i paškodziŭ škło jaho aŭtamabila «Łend-Rovier». Na nastupny dzień nočču mužčynu patelefanavali ź nieviadomaha numara i pad pahrozaj zabojstva abo źbićcia zapatrabavali pieradać $15 tysiač.
Akazałasia, što rekiecirami byli 26-hadovy i 33-hadovy žychary vioski Biełavuša. Adzin z padazravanych užo mieŭ sudzimaść za kradziež i machlarstva. Supracoŭniki zatrymali złamyśnikaŭ u adnoj ź lesapasadak ŭ momant pieradačy pradprymalnikam hrošaj. Znajšli i saŭdzielnika — 31-hadovaha biespracoŭnaha žychara vioski Dubaj.
Pry ahladzie aŭtamabila, na jakim pryjechali vymahalniki, byŭ znojdzieny pnieŭmatyčny pistalet. Pa dadzienym fakcie raspačatyja dźvie kryminalnyja spravy pa artykułach ab vymahalnictvie i chulihanstvie.
