Ranicaj 14 červienia Lizavieta Ł. pryjšła na centralizavanaje testavańnie pa ruskaj movie. Dačakaŭšysia zručnaha momantu, dziaŭčyna zrabiła ŭ aŭdytoryi sełfi, piša Jeŭraradyjo
«Kab razradzić abstanoŭku, padniać nastroj chłopcam i dać mahčymaść skarystacca šporami, ja vyrašyła adciahnuć usiu ŭvahu kamisii na siabie — zrabić sełfi. Adny mianie padtrymali i pryniali maju ideju z zachapleńniem, inšyja sprabavali adhavaryć, kažučy pra mahčymyja nastupstvy».
Lizavieta pačała rabić zadańni, a potym usio ž vyrašyła ažyćciavić svoj płan.
«Dačakaŭšysia momantu, kali ŭvaha kamisii była maksimalna adciahnutaja, ja dastała telefon, ustała i zrabiła sełfi», — apisvaje padziei dziaŭčyna.
Nastupstvy nie prymusili siabie doŭha čakać.
Spačatku ŭ dziaŭčyny paprasili prybrać telefon, a praz prykładna paŭhadziny zapatrabavali vyjści z kabinieta. Vyniki testavańnia (pa słovach abituryjentki, jana paśpieła zrabić usiu častku B i prystupić da častki A) anulavanyja
