Roŭna 80 hadoŭ tamu na najstarejšaj biełaruskaj fabrycy marožanaha ŭ Homieli zapuścili masavuju vytvorčaść płambiru. Sioleta ŭ honar jubileju fabryka vyrašyła zrabić pierazapusk «taho samaha» marožanaha i vypuściła 500 000 upakovak «Biełaha polusa 1938», pryhatavanaha pa aryhinalnym recepcie. Novaje «staroje» maroziva — heta kłasičny płambir, ale ŭ im bolš viarškoŭ i jano važyć 90 hramaŭ zamiest standartnych 70, pakolki vykarystoŭvajucca nie mona- i dyhlicerydy tłustych kisłot, a muka, jak i 80 hadoŭ tamu.
«Siońnia ekałahičnaść stała adnym z hałoŭnych trendaŭ va ŭsim śviecie. Usio bolš biełarusaŭ vybirajuć adzieńnie z naturalnych tkanin, transpart, jaki nie zabrudžvaje pavietra, i, viadoma, pradukty z «čystym» składam, — raspaviadaje Maksim Žurovič, pradstaŭnik brenda «Bieły Polus». — Śpiecyjalna da 80-hodździa pieršaha płambiru my zrabili padarunak usim biełarusam i ŭznavili maroziva pa staradaŭnim recepcie, u jakim niama anivodnaha Je-dadatku. U jaho skład uvachodziać usiaho 8 inhredyjentaŭ: vada, zhuščanaje i suchoje małako, viarški, cukar, alej, vanilin i muka. Praz asablivaści receptury termin prydatnaści ŭ «Biełaha polusa 1938» — usiaho piać miesiacaŭ.
U hetuju piatnicu marožanščyki «Biełaha polusa» padorać 1000 upakovak płambiru tym, chto abiare ekałahičny sposab pieramiaščeńnia. Ladoŭni ź biaspłatnym płambiram źjaviacca ŭ dvuch miescach pa maršrucie staličnaj vieładarožki: pobač z «Viełakafe» ŭ Parku Pieramohi i na nabiarežnaj uzdoŭž Zybickaj. Pryjechać pa maroziva možna nie tolki na rovary, ale i na samakacie, rolikach ci navat hiraskutary.
Asnoŭnaje dziejańnie pre-paci razhorniecca na praśpiekcie Pieramožcaŭ. U hety dzień pasažyraŭ samaha ekałahičnaha transpartu stalicy — elektrobusa — budzie čakać pryjemny siurpryz. Kožnuju hadzinu z 10:00 da 17:00 pa maršrucie №1 budzie kursiravać śpiecyjalny rejs «Biełaha Polusa». Adroźnić śviatočny elektrobus ad haradskoha budzie nieskładana — pasažyraŭ na ŭvachodzie budzie sustrakać bieły miadźviedź sa śviatočnymi ściažkami. Kanduktary niezvyčajnaha elektrobusa buduć praviarać nie apłatu prajezdu, a viedańnie składu pieršaha biełaruskaha płambiru. Kožny, chto ŭspomnić usie 8 inhredyjentaŭ, atrymaje na vychadzie svoj pačak maroziva.
