Lidary pravacentrysckich apazicyjnych partyj pabyvali ŭ Vašynhtonie. Tam jany łabiravali biełaruskaje pytańnie.
U delehacyi ŭvachodzili kiraŭnik libieralnaj Abjadnanaj hramadzianskaj partyi Anatol Labiedźka, nacyjanalna-kansiervatyŭnaha Ruchu za svabodu Juraś Hubarevič i Vital Rymašeŭski ad chryścijanskich demakrataŭ.
Jak paviedamili palityki ŭ siabie ŭ fejsbukach, jany mieli sustrečy ŭ Dziaržaŭnym departamiencie, Kanhresie — z kanhresmienami Krystafieram Śmitam i Džonam Šymkusam, a taksama ŭ analityčnych centrach.
Z kanhresmienam Krystafieram Śmitam — aŭtaram Akta ab demakratyi ŭ Biełarusi.
«Šasnaccać mierapryjemstvaŭ i kala sotni pacisnutych ruk za try dni, — adznačaje Hubarevič. — Z hetaha boku Atłantyki, na fonie hłabalnych mižnarodnych prablemaŭ, Biełaruś vyhladaje maleńkaj kroplaj u virujučym akijanie. Adnak uvaha da pryncypovych pytańniaŭ demakratyi, svabody i pravoŭ čałavieka zastajecca niaźmiennaj», — piša jon.
Biełaruskija pravacentrysty tradycyjna akcentujuć uvahu na ŭmacavańni niezaležnaści Biełarusi i pravach ludziej.
