Fota Darji Burakinaj
Siońnia Viarchoŭny sud abviaściŭ prysud Juryju Ivanovu pa spravie ab zabojstvie žycharki Mahilova Śviatłany Paddubskaj. U 2010 hodzie mužčynu apraŭdali ŭ ciažkim złačynstvie, vyzvalili ŭ zale suda, vypłacili kampiensacyju. A praz 7 hadoŭ Ivanovu znoŭ pradjavili abvinavačvańnie.
— Niama pryłady złačynstva, niama matyvu (…) Ja pavinien adkryć tajamnicu, jak vyjhraŭ pieršy sud. Ja nie vinavaty. Voś i ŭsio (…) Kali b ja byŭ zabojcam, to płakaŭ by, valaŭsia la noh, prasiŭ źmiakčyć pakarańnie, ale ja hetaha nie rablu, bo nievinavaty. Śviatłana była ŭ siekcie, hetaja arhanizacyja pryznana ekstremisckaj. Čamu nichto nie adpracoŭvali hetuju viersiju? U mianie bolš pytańniaŭ, čym adkazaŭ. (…) Vysoki sud, prašu mianie apraŭdać, - zajaviŭ u apošnim słovie Juryj Ivanoŭ.
Sud pajšoŭ u daradčy pakoj na dva dni i 11 maja abviaściŭ prysud. Juryj Ivanoŭ pryznany vinavatym u zabojstvie Śviatłany Paddubskaj i prysudžany da 21 hod pazbaŭleńnia voli ŭ kałonii ŭzmocnienaha režymu. Prysud ustupiŭ u zakonnuju siłu, abskardžańniu nie padlahaje. Z majomasci ŭ Ivanova kanfiskavali ajfon.
Paciarpiełyja, baćka i syn zabitaj, na abviaščeńnie prysudu nie pryjšli. Jašče raniej jany zajavili maralny pazoŭ na 600 tysiač rubloŭ. Sud pastanaviŭ vypłacić paciarpiełym 300 tysiač rubloŭ. Ciotka zabitaj raspaviała TUT.BY, što paciarpiełyja nie zmahli pryjechać z Mahilova ŭ Minsk, bo baćka zabitaj siabie drenna adčuvaje.
- U jaho chvoraje serca, a ŭnuk jaho hladzić, - patłumačyła svajačka.
