Na staroncy akcyi «Nieśmiarotny połk. Minsk» 4 maja było ahučana ab płanach praviadzieńnia mierapryjemstva na Dzień Pieramohi. «Zbor udzielnikaŭ a 10 la Fiłarmonii. Ruchajemsia da Płoščy Pieramohi. Pakul usio», — havorycca ŭ paviedamleńni.
Admietna, što arhanizatary prosiać nie raspaŭsiudžvać infarmacyju ŭ aficyjnych krynicach.
U Breście akcyjaj «Nieśmiarotny połk» zajmajecca druhi sakratar haradskoha kamiteta BRSM Piatro Picko. Na svajoj staroncy Ukantakcie arhanizatary zaklikajuć prychodzić a 9:30 i stanavicca ŭ hałavie kałony, na skryžavańni vulic Mašerava i Kamunistyčnaj.
«Kałony pačnuć farmavacca a 8.00 na płoščy Lenina. U kałonu «Nieśmiarotnaha pałka» moža stać kožny, chto 9 maja pryjdzie z fatohrafijaj/partretam svajho hieroja/svajaka abo prosta na arkušy papiery napiša imia svajho sałdata/svajaka, tym samym ŭšanuje jaho pamiać», — kažuć pra akcyju ŭ Viciebsku.
«Nieśmiarotny połk» — heta akcyja rasijskaj prapahandy, prymierkavanaja da 9 Maja. U mierapryjemstvach prymaŭ udzieł asabista Uładzimir Pucin. «Sapraŭdy, «Nieśmiarotny połk» pačaŭsia jak častka ruskaha śvietu, častka Rasii», — skazaŭ deputat Dziaržaŭnaj Dumy Rasii, sustaršynia ruchu «Nieśmiarotny połk» Mikałaj Ziamcoŭ.
Biełaruskija ŭłady ŭsialak sprabujuć minimizavać praviadzieńnie akcyi «Nieśmiarotny połk», zusim nie akcentujučy na joj ŭvahu.
