Razam z Bukmiekierskaj kantoraj Marafon my praciahvajem sačyć za čempijanatam Biełarusi!
Čempijanat Biełarusi pa futbole razhaniajecca. U piatnicu pačniecca ŭžo tur pad numaram piać. A BATE pa-raniejšamu maje maksimum punktaŭ. Zdajecca, zanadta rana niekatoryja chavali čempijonskija pierśpiektyvy barysaŭskaj kamandy. U minułym tury pieršy punkt narešcie nabrała «Haradzieja», ciapier im vielmi chočacca dastać i pieršuju pieramohu.
U minułym tury spraŭdziłasia 6 z 8 našych prahnozaŭ. Pačynajem znajomstva z supiernikami hetaha tura.
«Minsk» — «Dynama» (Brest)
- 27.04 / 17:30. Stadyjon FK «Minsk»
- Kaeficyjenty: «Minsk» (pieramoha) — 7.60, ničyja — 3.82, «Dynama-Brest» (pieramoha) — 1.49
Fota z supołki «Dynama» (Bresta) Ukantakcie.
«Minsk» dastatkova pradkazalna znachodzicca na dnie turnirnaj tablicy. Kamanda zrabiła staŭku na maładych ułasnych vychavancaŭ, a nie na zakuplenych hastaloraŭ, jaki z hoda ŭ hod chistajucca z adnaho kłuba ŭ inšy. Staŭka na moładź pierśpiektyŭna i z hledzišča papularnaści — zaŭziataraŭ kłub nabiraje akurat ź liku vučniaŭ svajoj futbolnaj škoły, a taksama ich baćkoŭ.
Bresckaje «Dynama», mabyć, dumała, što čempijanat dla ich pačniecca zusim nie tak. Adnak paśla piaci turaŭ kamanda zajmaje ŭsiaho tolki dziaviaty radok, majučy 5 punktaŭ. Na apošnich chvilinach Brest vyratavaŭ ničyju sa «Smalavičami». Adzin z samych talenavitych futbalistaŭ apošniaha času Pavieł Savicki spraŭna zabivaje hały, ale pakul hetaha mała. U abaronie bieraściejcam jaŭna nie chapaje dyskvalifikavanaha Alaksieja Haŭryłoviča, jaki nastupiŭ na nahu barysaŭcu Niemańji Miłunaviču. Na matč sa «Smalavičami» futbalisty «Dynama» vyjšli ŭ majkach «Nie było naŭmysnaha fołu».
Prahnoz «NN»: pieramoha «Dynama» z roźnicaj bolš čym u 1 hoł
«Homiel» — «Isłač»
- 27.04 / 19:45. Stadyjon «Centralny»
- Kaeficyjenty: «Homiel» (pieramoha) — 2.54, ničyja — 2.88, «Isłač» (pieramoha) — 3.10
«Homiel» zrabiŭ rekord hetaha siezona. U hulni ź minskim «Dynama» kamanda skarystała na poli až dzieviać lehijanieraŭ! Pry hetym rehłamientam nie dazvalajecca, kab adnačasova było bolš za piać. Sprava ŭ tym, što ŭkraincy Baciščaŭ i Ciareščanka ŭžo nie majuć statusu lehijanieraŭ. A na zamienu lehijaniery vychodzili zamiest lehijanieraŭ. Ivuaryjec Muchamied Kanate byŭ tym, chto zabiŭ adziny hoł svajoj kamandy ŭ apošnim tury.
«Isłač» pakul nie vyjhravała i nie prajhravała ŭ hetym siezonie. Samaja miralubivaja kamanda čempijanatu. Čatyry hulni — čatyry ničyje. Što budzie raniej: paraza ci pieramoha? Kałarytny nastaŭnik «vaŭkoŭ» Vital Žukoŭski kaža, što «lepš čornaje ci biełaje, ale nijak nie šeraje». Pahladzim, što jany prapanujuć u Homieli.
Prahnoz «NN»: totał mienšy za 2,5.
«Šachcior» — «Tarpieda»
- 28.04 / 15:00. Stadyjon «Budaŭnik»
- Kaeficyjenty: «Šachcior» (pieramoha) — 1.32, ničyja — 4.75, «Tarpieda» (pieramoha) — 10.50
Fota z supołki «Tarpieda» ŭ vk.com.
Chutka ŭžo maj budzie pa kalendary, a «Šachcior» usio jašče bieź pieramoh. Adstaŭka hałoŭnaha treniera nie dapamahła «harniakam» złamać mocny pa krasaviku «Dniapro». Bramnik kłuba skazaŭ, što dziejničać u poŭnuju siłu «Šachcior» pakul nie ŭ stanie, bo kamanda prosta nie hatovaja. Jašče adzin kamieńčyk u harod polskaha treniera Zuba. Adsutnaści pieramohi i na hety raz zaŭziatary jaŭna nie zrazumiejuć.
Mabyć, samaja stylovaja kamanda hetaha čempijanatu — minskaje «Tarpieda». Na chatni matč suprać «Niomana» kamanda vyjšła ŭ novaj formie: čorna-biełyja majki z vyšytymi pad kaŭniarom datami — 1947, 1962, 1966, 1967, 1969. U hetyja hady «aŭtazavodcy» zdabyvali pieramohu ŭ čempijanacie BSSR. Praŭda, nie dapamahło. «Tarpieda» ŭpieršyniu sastupiła. Zrešty, chutčej za ŭsio, zadača na siezon dla čorna-biełych — zastacca ŭ vyšejšaj lizie.
Prahnoz «NN»: «Šachcior» pieramoža.
BATE — «Słuck»
- 28.04 / 17:00. «Barysaŭ-Arena»
- Kaeficyjenty: BATE (pieramoha) — 1.27, ničyja — 5.20, «Słuck» (pieramoha) — 12.00
Kali zirnuć u turnirnuju tablicu, to heta centralnaja sustreča tura. Sustrakajecca pieršaja i treciaja kamandy na dadzieny momant. BATE na ździŭleńnie kłasna pačaŭ pieršynstvo. Nie prapuskajuć, zabivajuć, pieramahajuć. Michaił Hardziajčuk maje zabityja miačy ŭžo ŭ troch hulniach zapar. Paśla pieramožnaha miača ŭ bramu «Viciebska» Hardziajčuk pabieh na łavu zapasnych, dzie ŭziaŭ majku traŭmavanaha Alaksieja Ryasa, kab padtrymać partniora pa kamandzie. U Barysavie svaich nie zabyvajuć.
Zaŭziatary «Krumkačoŭ» u svoj čas śpiavali na matyŭ Mistara Prezidenta «Ja-ja-jaŭhien Šykaŭka, ja-jaje». Cikava, ci pierachapili ŭžo hetuju fišku ŭ «Słucku»? Šykaŭka vydaŭ fantastyčny matč suprać «Promienia», dvojčy zabiŭšy i addaŭšy adzin halavy pas. Ciapier mienavita forvard «Słucka» na viaršyni śpisu bambardziraŭ.
Prahnoz «NN»: BATE pieramoža z roźnicaj bolš čym 2 hały.
«Nioman» — «Dynama» (Minsk)
- 28.04 / 19:00. CSK «Nioman»
- Kaeficyjenty: «Nioman» (pieramoha) — 3.84, ničyja — 3.30, «Dynama-Minsk» (pieramoha) — 2.00
Alaksandr Najok radujecca zabitamu hołu. Fota FK «Dynama» (Minsk).
Padobna, što samy niepradkazalny i cikavy matč piataha tura. Haradzieniec Maksim Łukaševič addaŭ pakul samy pryhožy pas hetaha čempijanatu, elehanta «čarpačkom» pierakinuŭšy miač na Jabłonskaha ŭ hulni z «Tarpieda». Heta pryniesła hrodziencam pieršuju pieramohu ŭ turniry. Mahčyma, ciapier Hrodna krychu raźniavolicca i budzie dziejničać bolš cikava. Dumajecca, što hrodziency zrobiać vydatnuju padtrymku svajoj kamandzie ŭ hetuju subotu.
U «Dynama» nibyta ŭsio i dobra. Ale na spravie nie ŭsio tak biaschmarna. Stała viadoma, što spartyŭny dyrektar kamandy Andrej Łaŭryk syšoŭ z kamandy paśla taho, jak rassvaryŭsia z nastaŭnikam kamandy Siarhiejem Hurenkam. Byłyja siabry ciapier uvohule nie razmaŭlajuć. Zrešty, heta ŭsio zdahadki. Fakty ž zastajucca takimi, što «Dynama» nie prajhraje ŭžo 10 matčaŭ zapar.
Prahnoz «NN»: «Nioman» nie prajhraje.
«Pramień» — «Dniapro»
- 28.04 / 20:45. SAK «Alimpijski»
- Kaeficyjenty: «Pramień» (pieramoha) — 3.56, ničyja — 3.30, «Dniapro» (pieramoha) — 2.08
«Pramień» pakul nie raduje svaich niešmatlikich fanataŭ. Paśla čatyroch turaŭ kamanda znachodzicca na apošnim miescy ŭ tablicy. Jaŭhien Šykaŭka prademanstravaŭ kłas, jak treba hulać u vyšejšaj lizie. «Pramień» znoŭ praviadzie matč na SAKu. Nastaŭniki kamandy pakul ža plujucca, što placoŭka zusim nie padrychtavanaja da hulniaŭ.
«Dniapro» — adno z hałoŭnych adkryćciaŭ čempinatu. A ich 19-hadovy paŭabaronca Uładzisłaŭ Fiadosaŭ, jaki niezrazumieła adkul ŭziaŭsia ŭ «vyšcy», nabiraje punkty, kab naprykancy siezona pierajści ŭ bolš mocny kłub. Kali nie zdarycca nijakaha fors-mažoru, to «Dniapro» abaviazany kłaści ŭ svaju skarbonku jašče try punkty i ŭryvacca ŭ pryzavuju trojku.
Prahnoz «NN»: «Dniapro» pieramoža.
«Smalavičy» — «Viciebsk»
- 29.04 / 17:30. Stadyjon «Kastryčnicki»
- Kaeficyjenty: «Smalavičy» (pieramoha) — 3.84, ničyja — 3.30, «Viciebsk» (pieramoha) — 2.00
Fota FK «Viciebsk» z vk.com.
«Smalavičy» ŭ dobrym sensie słova ździŭlajuć. Kamanda nie sastupiła nikomu biez baraćby, a ŭ minułym tury ledź nie stvaryła samuju hučnuju siensacyju. Tolki na apošniaj chvilinie bresckaje «Dynama» zmahło vyrvać ničyju. Surovy nastaŭnik «Smalavičaŭ» zaŭvažyŭ: «My ž nie sa zboru ŭradžaju kukuruzy pryjechali». Maŭlaŭ, čamu tut ździŭlacca.
35-hadovy brazilec Rafael Ledesma ździŭlaŭ usich svajoj fienamienalnaj technikaj u hulni z BATE. Hetaha było mała dla pieramohi, ale dastatkova, kab stać chitom tura. U Viciebsku ŭdałosia skałacić vielmi bajazdolnuju bandu. I, mabyć, kamanda maryć pra miedali. Ale, zdajecca, što miaža kłuba — heta 5—6 miesca.
Prahnoz «NN»: «Smalavičy» nie sastupiać.
«Haradzieja» — «Tarpieda-BiełAZ»
- 29.04 / 19:30. Stadyjon «Haradzieja»
- Kaeficyjenty: «Haradzieja» (pieramoha) — 3.84, ničyja — 3.30, «Tarpieda-BiełAZ» (pieramoha) — 2.00
«Haradzieja» na dadzieny momant — hałoŭnaje rasčaravańnie pačatku pieršynstva. Kali ŭ nastaŭnika «cukrovych» Siarhieja Jaromki spytali, ci nie razhladaje jon varyjant z adstaŭkaj, to žurnalist pačuŭ u svoj bok rezkaje: «Ty što, zvarjacieŭ?» Kali Jaromka choča, kab kresła pad im pierastała chistacca, to treba pieramahać.
Što tyčycca žodzinskaha «Tarpieda», to kamanda nie chapaje zorak ź nieba, ale i svajo nie addaje. Kubaravu ŭdałosia źbić mocny kłub, ale dastatkova sumny.
Prahnoz «NN»: ničyja.
Znoŭ ža zaklikajem vas chadzić na stadyjony i zaŭzieć za ŭlubionyja kłuby. Inšych u nas niama. A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!
