Dniaproŭski akademičny teatr dramy i kamiedyi admianiŭ pakaz śpiektakla «Lasnaja pieśnia» na ruskaj movie z-za pahrozy zryvu. Pra heta piša «Radio Svoboda» sa spasyłkaj na infarmacyju, atrymanuju ŭ teatry.
Paviedamlajecca, što śpiektakl pavinien byŭ adbycca ŭ krasaviku, teatr nie budzie zdymać jaho z repiertuaru, a pakaža ŭ inšy dzień.
Vydańnie kaža, što va ŭstanovie admaŭlajuć atrymańnie pramych pahroz u svoj adras, ale ŭ Facebook źjaviłasia infarmacyja, što aktyvisty moładzievaha kryła «Pravaha siektara» mohuć pasprabavać pieraškodzić praviadzieńniu pradstaŭleńnia.
U kancy sakavika «Pravy siektar» źviarnuŭ uvahu, što Dniaproŭski teatr dramy i kamiedyi budzie pakazvać śpiektakl pa matyvach tvora Lesi Ukrainki «Lasnaja pieśnia» na ruskaj movie.
U arhanizacyi zajavili, što buduć «usimi siłami supraćstajać rusifikacyi ŭ Dniapry».
Vosieńniu 2017 hoda Dniaproŭski teatr staraŭsia pakazać hety śpiektakl, adnak mierapryjemstva sapraŭdy hetak ža pryjšłosia admianić z-za ruskaj movy.
