Vojski NATO, raźmieščanyja ŭ Aŭhanistanie, atrymali siońnia mandat na baraćbu z vytvorcami hierainu. Ciapier vajskoŭcy majuć prava atakavać narkabaronaŭ i źniščać labaratoryi pa vytvorčaści makavaha opiju.
Dahetul z hihanckaj hierainavaj pramysłovaściu Aŭhanistanu zmahaŭsia tolki admysłovy adździeł afhanskaj palicyi. Ale sytuacyju źmianili ćviordyja dokazy taho, što terarystyčny ruch Taliban atrymlivaje 10 % prybytku ad narkatrafiku, a na hetyja hrošy nabyvaje zbroju i siłkuje paŭstańni. Atrymaŭšy ich, ZŠA padšturchnuli chaŭruśnikaŭ da vykarystańnia nataŭskich vojskaŭ u baraćbie z hierainavymi kamandzirami.
Ŭpieršyniu za ŭvieś čas vajennaj aperacyi NATO ŭ Aŭhanistanie ministry abarony sajuźnikaŭ pahadzilisia, što vojski majuć dadatkovyja abaviazki ŭ rehijonie.
Brytanija i inšyja krainy NATO vystupili suprać vajskovych aperacyjaŭ u dačynieńni da sialanaŭ‑makavodaŭ — pieršaha ŭzroŭniu narkatrafiku — kab nie vyklikać varožaści z boku prostych aŭhancaŭ. Takim čynam, makavyja pali pakul nie źjaŭlajucca mišeńniu dla vojskaŭ.