Rasijski Pieršy kanał za dzień da prezidenckich vybaraŭ — 2018 vyrašyŭ pakazać u efiry prapahandyscki film «Krym» pra historyju kachańnia na fonie akupacyi paŭvostrava viasnoj 2014 hoda.
Biełaruski ANT taksama mieŭ u prahramie pieradač «Krym». Jon musiŭ być pakazany ŭ 23:50.
Adnak biez tłumačeńnia pryčyn prapahandyscki film byŭ źniaty ź biełaruskaha efiru. Zamiest jaho była pakazanaja savieckaja kamiedyja «Hary, hary, maja zorka».
Nahadajem, što ŭ lipieni 2017 hoda pasolstva Ukrainy nakiravała ŭ MZS Biełarusi notu ŭ suviazi z tym, što trejler «Kryma» kruciać u kinateatrach. Film tak i nie byŭ pakazany ŭ biełaruskim prakacie.
Kinastužka «Krym» maje rejtynh 4.00 na suśvietnym servisie IMDb i 3.035 na rasijskim «Kinapošuku». Heta hranična nizkija rejtynhi, jakija aznačajuć, što film pravalny.
