Biełarus Juryj Hołub zavajavaŭ załaty miedal u bijatłonie ŭ katehoryi V3 dla spartsmienaŭ z parušeńniami zroku na XII zimovych Paralimpijskich hulniach u Pchienčchanie, piša BiełTA.
Dystancyju ŭ 12,5 km z čatyrma ahniavymi rubiažami jon pieraadoleŭ za 39 chvilin 23,7 siek. Srebnym pryzioram staŭ ukrainiec Alaksandr Kazik — +2,7 siek. Treciaje miesca zaniaŭ jašče adzin pradstaŭnik Ukrainy — Juryj Utkin (+56,2 siek).
Dla Juryja Hołuba załaty miedal u bijatłonnaj honcy na 12,5 km — treciaja ŭznaharoda na Paralimpijadzie ŭ Pchiončchanie. Raniej jon zavajavaŭ srebra ŭ łyžnaj honcy na 20 km u katehoryi V3 dla spartsmienaŭ z parušeńniami zroku i staŭ druhim u bijatłonnym spryncie na 7,5 km.
0
0
0
0
0
0