Kiraŭnik Raśsielhasnahladu Siarhiej Dankviert nie vyklučyŭ, što Rasija admovicca ad uviadzieńnia abmiežavańniaŭ na pastaŭki małočnych praduktaŭ ź Biełarusi ŭ vypadku pazityŭnych vynikaŭ raboty rasijskaj inśpiekcyi, paviedamlaje TASS.
«My ź imi zaraz uzhodnim miechanizm praviadzieńnia inśpiekcyj, hetym zajmajecca moj namieśnik. I całkam vierahodna, što i nie budziem zakryvać [uvoz małočnych praduktaŭ]. Tamu što kali z nastupnaha tydnia pajedziem na inśpiektavańnie taho, što vyklikaje ŭ nas padazreńnie, my znojdziem ahulnuju movu. My ŭ pracesie», — skazaŭ Dankviert.
Raniej Raśsielhasnahlad pieranios uviadzieńnie abmiežavańniaŭ na pastaŭki małočnych praduktaŭ ź Biełarusi z 6 na 15 sakavika. Heta ŭžo druhi pieranos terminaŭ uviadzieńnia zabarony na pastaŭki biełaruskich małočnych praduktaŭ. Da hetaha jany pieranosilisia z 26 lutaha na 6 sakavika «pa techničnych pryčynach».
