Nočču 25 lutaha ŭ adnoj sa šmatpaviarchovak Hrodna adbyłasia trahiedyja - u śmiećciekamiery zhareŭ čałaviek. Usio zdaryłasia kala troch hadzin nočy ŭ dzieviacipaviarchoviku pa vuł. Papoviča, 11, paviedamlaje s13.
Žychary padjezda, dzie adbyłosia zdareńnie, paviedamili ŭ MNS pra zadymleńnie ŭ pamiaškańni śmiećciepravoda. Vidavočca pasiarod nočy adčuŭ pach palenaha, a kali vyjšaŭ u padjezd, ubačyŭ ščylnaje zadymleńnie. Ŭžo ŭnizie mužčyna vyznačyŭ krynicu dymu - pamiaškańnie śmiećciepravoda, dźviery ŭ jakoje byli zamknienyja zsiaredziny.
Supracoŭniki MNS prybyli na miesca vykliku, uzłamali dźviery, a ŭsiaredzinie śmiećciekamiery vyjavili mocna abhareły trup čałavieka. Pa niekatoraj infarmacyi, zahinuły byŭ rabotnikam ŽESa, na terytoryi jakoha i adbyłasia trahiedyja.
Pryčyny pažaru vyśviatlajucca.
