U biełaruskim parłamiencie aburanyja namieram polskich nacyjanalistaŭ pravieści pravaradykalny marš u Hajnaŭcy. Ab hetym karespandentu BiełTA zajaviŭ staršynia pastajannaj kamisii Pałaty pradstaŭnikoŭ pa mižnarodnych spravach Valeryj Varaniecki. Deputat prakamientavaŭ zapłanavanyja ŭ polskaj Hajnaŭcy pravaradykalnyja akcyi.
Valeryj Varaniecki, fota Siarhieja Hudzilina
«U biełaruskim parłamiencie ź vialikim škadavańniem i abureńniem uspryniali infarmacyju ab namierach polskich nacyjanalistyčnych arhanizacyj pravieści čarhovy pravaradykalny marš u horadzie Hajnaŭka, dzie kampaktna pražyvajuć etničnyja biełarusy. Miarkujučy pa rekłamie maršu ŭ sacsietkach, jaho metaj źjaŭlajecca hieraizacyja asobnych dziejačaŭ polskaha paślavajennaha padpolla, siarod jakich asablivaje miesca zajmaje vajenny złačyniec i arhanizatar represij u dačynieńni da pravasłaŭnaha nasielnictva Padlašša Ramuald Rajs, bolš viadomy pad psieŭdanimam Bury.
Inicyjatary hetaj sumnieŭnaj akcyi ličać svaim «maralnym abaviazkam, kab u rešcie rešt na hetaj čyrvonaj ziamli pieramahła polskaja dumka», — adznačyŭ parłamientaryj. Valeryj Varaniecki nahadaŭ, što Ramuald Rajs «vyznačyŭsia» tym, što zabivaŭ z asablivaj žorstkaściu pieravažna etničnych biełarusaŭ pravasłaŭnaha vieravyznańnia i spalvaŭ cełyja vioski razam ź ich žycharami. «Na sumleńni hetaha zavadatara bandfarmiravańnia sotni zabitych i pakalečanych mirnych hramadzian, siarod jakich žančyny, dzieci i staryja. Źniščeńnie atradam Rajsa biełaruskich viosak i pravasłaŭnaha nasielnictva Padlašša Instytut nacyjanalnaj pamiaci Polščy pryznaŭ złačynstvam z prykmietami hienacydu», — padkreśliŭ jon.
«Praviadzieńnie maršu i pakaz dakumientalnaha filma, jaki ŭschvalaje Buraha i padobnych jamu vajskovych złačyncaŭ u Hajnaŭcy — horadzie, dzie bolšaść nasielnictva maje biełaruskija karani, pa sutnaści svajoj źjaŭlajucca pravakacyjaj, skiravanaj na štučnaje nahniatańnia napružanaści i raspalvańnie varožaści pamiž biełarusami i palakami, pravasłaŭnymi i katalikami. I asabliva cynična, što jana płanujecca na fonie pryniataha ŭ Polščy zakona ab kryminalnym pieraśledzie za prapahandu tak zvanaj banderaŭskaj ideałohii», — dadaŭ parłamientaryj.
Jon pieraściaroh: «Vidavočna, što kinutaje ŭ ziamlu polskimi radykałami nasieńnie moža praraści i dać svaje horkija płady. I toje, što praviadzieńnie padobnych mierapryjemstvaŭ stała mahčymym u krainie, hramadzianie jakoj sami adčuli na sabie nastupstvy fašyzmu i radykalnaha nacyjanalizmu, śviedčyć ab prabiele ŭ polskaj histaryčnaj pamiaci. Padobnyja akcyi nie ŭpisvajucca ŭ ramki sučasnaj kultury luboj demakratyčnaj jeŭrapiejskaj dziaržavy, jakaja prapavieduje mir i zhodu ŭ hramadstvie i raźvićcio siabroŭskich adnosin sa svaimi susiedziami», — ličyć deputat.
Valeryj Varaniecki vykazaŭ nadzieju, što polskija parłamientaryi, hetak ža jak i razvažnyja hramadzianie Polščy, zmohuć dać padobnym akcyjam naležnuju acenku i nie dapuścić ich praviadzieńnia.
Čytajcie taksama: Čynoŭniki ŭ bolšaści stajać na patryjatyčnych pazicyjach. Rasija nam čyrvonych linij nie akreślivała — Valeryj Varaniecki, intervju
