Alimpijski čempijon — 2014 Anton Kušnir nie trapiŭ u finał sioletnich Hulniaŭ. U jaho ahulnaje 13-je miesca.
I znoŭ, jak u situacyi z žanočymi spabornictvami pa frystajle, nie abyšłosia biez pytańniaŭ da sudździaŭ.
Čytajcie taksama. Panyły soram: jak kitajec Čžaoi Ciu padsudžvaŭ svaim ziemlakam i staviŭ minimalnyja bały biełaruskim frystajlistkam FOTA
Spartsmienam vystaŭlali acenki tyja ž sudździ — z Rasii, Japonii, Šviejcaryi, Kanady i Kitaja. Nahadajem, kožny ź ich stavić svaju adznaku pa troch kryteryjach. Kab paźbiehnuć zusim vidavočnych nakrutak, adkidvajecca najlepšy i najhoršy bał. A voś astatnija try adznaki ŭličvajucca.
U druhoj kvalifikacyi Kušnir atrymaŭ ad sudździaŭ 121.27 bała i zaniaŭ siomaje miesca. Tady jak u šviejcarca Mišy Hasiera, jaki zaniaŭ prachadnoje šostaje miesca, — 121,72 bała.
Dźvie z troch najhoršych acenak Kušnir atrymaŭ mienavita ad šviejcarskaha sudździ Jurha Miulera. Nichto inšy nie staviŭ biełarusu takija nizkija bały.
Moža, heta prosta strohi arbitr?
Tak ci inakš, svajmu ziemlaku, jaki, nahadajem, apiaredziŭ Kušnira na 0,45 bała, Miuler vystaŭlaŭ maksimalnyja bały. Nivodzin inšy sudździa nie acaniŭ šviejcarcarskaha frystajlista tak vysoka.
Lišnim budzie kazać, što kitajski spartsmien, jaki raźmiaściŭsia ŭ vynikovaj tablicy ŭśled za Kušniram, atrymaŭ maksimalnyja bały ad kitajskaha sudździ — taho samaha, jaki «tapiŭ» biełaruskich frystajlistak.
A voś biełaruskich sudździaŭ na spabornictvach niama.
