Tolga Adanali / Zuma / Global Look Press
The Coca-Cola Company dała spravazdaču pra padzieńnie čystaha prybytku na 80% u paraŭnańni z 2016 hodam — da $ 1,283 młrd. Ab hetym havorycca ŭ paviedamleńni na sajcie kampanii, piša RBK.
Zhodna z papiaredniaj spravazdačaj kampanii, čysty prybytak firmy ŭ 2016 hodzie skłaŭ $ 6,53 młrd suprać $ 7,36 młrd za 2015 hod.
Čystaja vyručka za 2017 hod skaraciłasia na 15% u paraŭnańni z 2016 hodam i na 20% - za čaćviorty kvartał 2017 hoda (da $7,5 młrd). Čystyja straty kampanii ŭ čaćviortym kvartale 2017 hoda skłali $ 2,71 młrd u adroźnieńnie ad prybytku $ 547 młn u čaćviortym kvartale ŭ 2016 hodzie. Džejms Kvinsi, vykanaŭčy dyrektar i prezident The Coca-Cola Company, zajaviŭ, što «zadavoleny dasiahnieńniami i vynikami 2017 hoda».
Źnižeńnie vyručki i prybyli tłumačycca ŭ spravazdačy strukturnymi źmienami, u pryvatnaści tym, što kampanija admaŭlajecca ad kantrolu za pradpryjemstvami pa vytvorčaści tary.
