Pa spravie staršyni rady dyrektaraŭ hrupy kampanij Fenox Global Group zatrymanyja jašče dva čałavieki, paviedamiła BiełTA aficyjny pradstaŭnik Śledčaha kamiteta Julija Hančarova.
Nahadajem, što staršynia savieta dyrektaraŭ hrupy kampanij Fenox Global Group padazrajecca ŭ ažyćciaŭleńni na terytoryi Biełarusi z 2010 hoda supraćpraŭnaj dziejnaści, źviazanaj z uchileńniem ad vypłaty padatkaŭ, a taksama niepravamiernym atrymańniem ź biudžetu padatku na dadanuju vartaść. SK praciahvaje rasśledavańnie hetaj kryminalnaj spravy.
«U studzieni byli zatrymanyja jašče dva čałavieki. U ich dačynieńni raspačatyja kryminalnyja spravy ŭ suviazi z akazańniem dapamohi va ŭchileńni ad vypłaty padatkaŭ», — prainfarmavała Julija Hančarova.
Zatrymanym pradjaŭlenaje abvinavačvańnie pa č.6 art.16 (dapamoha) i č.2 art.243 (uchileńnie ad vypłaty padatkaŭ, što paciahnuła škodu ŭ asabliva bujnym pamiery).
U dačynieńni da dvuch novych fihurantaŭ abranaja miera strymańnia ŭ vyhladzie zaklučeńnia pad vartu, astatnim trom termin utrymańnia pad joj praciahnuty.
