Za minuły tydzień u Siryi byli zabityja ci paranienyja kala 300 rasijan, zajavili Reuters try krynicy, znajomyja sa spravaj. Usie jany pracavali ŭ «rasijskaj pryvatnaj kampanii», udakładniaje ahienctva.
Vajenny doktar raspavioŭ ahienctvu, što ŭ Siryi zahinuli kala sta rasijan, jašče adna krynica, znajomaja ź niekalkimi bajcami pryvatnaj vajskovaj kampanii, skazała, što zahinuli bolš za 80 čałaviek. Paranienych, pa dadzienych krynic Reuters, adpravili ŭ piać vajskovych špitalaŭ u Rasii.
Vajskovy doktar u adnym z takich špitalaŭ paviedamlaŭ Reuters, što ŭ miedustanovie, pa stanie na viečar suboty, było bolš za 50 takich pacyjentaŭ, 30% ź ich z surjoznymi ranieńniami. Ataman chutarskoha kazackaha tavarystva Choŭryna, pieršy sakratar Usierasijskaj hramadskaj arhanizacyi «Pakaleńnie Pieramohi» Jaŭhien Šaban zajaviŭ Reuters, što ŭ sieradu, 14 lutaha, jeździŭ u Centralny vajskovy špital Ministerstva abarony ŭ Chimkach. U pałacie, jakuju jon naviedaŭ, znachodzilisia vosiem paranienych, jakija byli evakuiravany ź Siryi za apošnija niekalki dzion.
