U Tałačynskim rajonie paryvam vietru źniesła hruzavy furhon «Reno» na sustrečnuju pałasu, adbyłosia DTZ, paviedamiŭ BiełTA načalnik adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc.
Avaryja z udziełam aŭtamabilaŭ «Reno Majstar» i lehkavuški «Falksvahien Pasat» adbyłasia siońnia kala 12.00 na 549-m km aŭtadarohi M1. Pavodle papiaredniaj infarmacyi, pry ŭzdymie ŭ horku «Reno», jakim kiravaŭ mužčyna 1988 hoda naradžeńnia, mocnym paryvam vietru pačało znosić ubok. Šafior nie spraviŭsia z kiravańniem, i mašynu vykinuła na sustrečnuju, dzie ŭ hety momant ruchaŭsia «Falksvahien Pasat», jakim kiravaŭ vadziciel 1976 hoda naradžeńnia.
U vyniku DTZ paciarpieŭ kiroŭca lehkavoha aŭtamabila, z traŭmami mužčyna špitalizavany.
Adnym z faktaraŭ, jakija spravakavali avaryju, stali letnija šyny z adsutnym pratektaram na piaredniaj vosi «Reno».
