Viadomy biełaruski aŭkcyjonny sajt ay.by prapanuje šyroki vybar pradukcyi, źviazany z tak zvanymi «DNR» i «ŁNR», jakija nie byli pryznanyja aficyjna našaj krainaj. Pryčym pradajuć heta jak žychary Rasii, hetak i biełarusy.
Naprykład, za zorku «Hieroja DNR» prosiać 34 rubli. Pryčym handlar paznačaje, što «mahčymy torh». Asabliva adznačajecca, što da zorki ŭ kamplekcie idzie čysty dakumient, u jaki možna ŭpisać luboje imia.
Orden za «Vajskovuju dobleść DNR» nabyć možna jašče tańniej — usiaho za 25 rubloŭ. Da jaho taksama idzie čysty dakumient. Stolki ž kaštujuć miedali «Bajavoje bractva Kryma» i «Słava hierojam Danbasa» (dastaŭlajuć z Baranavič). Značok «Dabravolec Danbasa» aceńvajecca ŭ 20 rubloŭ.
Niechta Valera S. z Maładziečna za 38 rubloŭ sprabuje pradać ściah «DNR». A tałončyki da hramadskaha transparta «DNR» dla kalekcyjanieraŭ abyducca ŭsiaho ŭ 1,5 rubla. A voś za vypusk «Haziety Navarosii» za žnivień 2014 prosiać ad 9 rubloŭ.
***