U Sieule pamior vakalist paŭdniovakarejskaha muzyčnaha kalektyva SHINee Kim Džonchion. Pra heta paviedamlaje ahienctva «Jonchap».
Śpievaku było 27 hadoŭ. Pavodle infarmacyi palicyi, jon ździejśniŭ samahubstva. Pa papiarednich dadzienych, pryčynaj śmierci mahło stać atručeńnie taksičnymi hazami.
Artysta znajšli nieprytomnym u zdymnaj kvatery ŭ rajonie Čeonhdam na paŭdniovym uschodzie Sieuła. Za paŭtary hadziny da hetaha siastra Kima patelefanavała ŭ słužbu vyratavańnia, paviedamiŭšy, što jaje brat źbirajecca skončyć z saboj. Džonchiona dastavili ŭ najbližejšuju balnicu, dzie była zafiksavana jaho śmierć.
SHINee — papularny hurt u žanry K-pop. Džonchion taksama byŭ udzielnikam prajekta SM the Ballad, a ŭ 2015 hodzie pačaŭ solnuju karjeru.
***
Na telehram-kanał «Našaj Nivy» možna padpisacca tut.
