U čaćvier, 23 listapada, u 16.00 u Domie futboła projdzie pazačarhovaje pasiadžeńnie vykankama ABFF pa «spravie Vieramko», piša Tribuna.com.
Pasiadžeńnie sklikajecca staršynioj fiederacyi pa patrabavańni členaŭ vykankama ŭ adpaviednaści z artykułam 5.71 statuta asacyjacyi. Hałoŭny punkt paradku: ab infarmavańni členaŭ vykankama ab vynikach razhladu dyscyplinarnymi orhanami sankcyj u dačynieńni da futbolnaha kłuba BATE. Dakładčykam vystupić kiraŭnik apielacyjnaha kamiteta Alaksandr Nazaraŭ.
Nahadajem, raniej apielacyjny kamitet anulavaŭ vierdykt dyscyplinarnaha kamiteta ABFF prysudzić BATE techničnaje paražeńnie ŭ matčy 23-ha tura čempijanatu Biełarusi sa «Słuckam» (6:0) z-za niepravamiernaj zajaŭki hałkipiera barysaŭčan Siarhieja Vieramko i viarnuŭ čempijonam try bały.
Pierad apošnim turam stanovišča ŭviersie turnirnaj tablicy nastupnaje:
BATE — 67, Dynama Minsk — 65, Šachcior — 65.