Načalnicu ŭpraŭleńnia advakatury Miniusta Halinu Hryškaviec i jaje namieśnicu Natallu Bierazoŭskuju zatrymali ŭ 2013 hodzie ŭ pracoŭnym kabiniecie. Čynoŭnic abvinavacili ŭ chabarnictvie — jany dapamahali ryełtaram z ahienctvaŭ nieruchomaści prachodzić ekzamien i atrymlivać licenziju.
Bolš za paŭtara hoda žančyny praviali ŭ SIZA. U 2015 hodzie adbyŭsia sud: Natalla Bierazoŭskaja atrymała 4 hady pazbaŭleńnia voli i štraf pamieram 54 miljony niedenaminavanych rubloŭ (jaje načalnica Halina Hryškaviec atrymała 8 hadoŭ i štraf 108 miljonaŭ).
Natalla Bierazoŭskaja
Bierazoŭskaja ŭžo znachodzicca na voli. Jak stała viadoma «Našaj Nivie», jana ŭładkavałasia jurystam u staličnaje ahienctva nieruchomaści «Silvan». Na praciahu piaci hadoŭ paśla vyzvaleńnia eks-čynoŭnica nie maje prava zajmać kirujučyja pasady.
«Naša Niva» źviazałasia ź Bierazoŭskaj, ale taja admoviłasia ad kamientaroŭ. U «Silvanie» taksama ničoha nie kamientujuć.
Nahadajem, što Bierazoŭskuju i Hryškaviec źviazvali ź ciskam na niezaležnych advakataŭ paśla Płoščy-2010 i arhanizacyjaj pazačarhovych atestacyj advakataŭ.
