Siarhiej Vieramko, Reuters.com
Siońnia adbyłosia pasiedžańnie apielacyjnaha kamiteta Asacyjacyi «Biełaruskaja fiederacyja futboła» pa «spravie Vieramko».
Pa jaho vynikach pryniata rašeńnie admianić vierdykt dyscyplinarnaha kamiteta BFF i viarnuć BATE 3 bały za matč suprać «Słucka». Pry hetym barysaŭski kłub aštrafavany na 2 tysiačy bazavych vieličyń (42 tys rubloŭ), paviedamlaje Tribuna.com
Nahadajem, u 23-m tury BATE doma razhramiŭ «Słuck» (6:0), adnak 13 kastryčnika DK ABFF pryniaŭ rašeńnie zaličyć BATE techničnaje paražeńnie z-za taho, što ŭ zajaŭcy znachodziŭsia hałkipier Siarhiej Vieramko, jaki nie apłaciŭ štraf za raniejšuju dyskvalifikacyju.
Takim čynam turnirnaja tablica ciapier vyhladaje tak:
Šachcior — 65, BATE — 64, Dynama Minsk — 62, Dynama Brest — 47
Da kanca čempijanatu zastałosia dva tury:
18 listapada: BATE - Nioman, Šachcior - Tarpieda - BiełAZ, Dynama Minsk - Krumkačy
26 listapada: Haradzieja — BATE, Nioman - Šachcior, Viciebsk - Dynama Minsk.
Całkam imavierna, što ŭpieršyniu za doŭhija hady čempijon krainy vyznačycca ŭ apošnim tury. 13-razovy čempijon krainy, i z 2006-ha hoda niaźmienny, BATE doŭhi čas zavajoŭvaŭ załatyja miedali daterminova. Hod tamu, naprykład, u 25-m tury.
