Da 100-hodździa abviaščeńnia niezaležnaści Biełaruskaj Narodnaj Respubliki, što budzie adznačacca ŭ nastupnym hodzie, vyjšaŭ naścienny kalandar «Adrasy BNR». Jon źmiaščaje 12 budynkaŭ, u jakich u rozny čas adbyvalisia padziei, źviazanyja z BNR.
Heta — Kupałaŭski teatr, dzie ŭ śniežni 1917 hoda adbyŭsia histaryčny Pieršy Usiebiełaruski źjezd, dom kupca Muraŭjova ŭ Hrodnie, dzie znachodziŭsia ŭrad BNR paśla vyjezdu ź Minska, budynak Biełaruskaj misii ŭ Ryzie. Jość u kalendary Vilnia, Koŭnia, Praha, Talin i navat Ńju-Jork!
Kožny z «adrasoŭ BNR» prezientavany ŭ sučasnym vyhladzie, z paznačeńniem ciapierašniaha adrasu i raniejšaha. Dziakujučy kalendaru možna znajści dom, dzie žyli prezidenty BNR Piotra Krečeŭski i Vasil Zacharka ŭ Prazie.
Ukłała kalandar historyk Natalla Hardzijenka, a azdableńniem zajmaŭsia kiraŭnik studyi «Adliha» Anatol Łazar.
