Načalnik aeraporta ŭ horadzie Charoh Tadžykistana Dyłdor Maksudšojeŭ pamior ad atrymanych ran pry ŭźlocie viertalota prezidenta respubliki Emamali Rachmona.
«Ad mocnych paryvaŭ vietru z-za łopaściaŭ viertalota, dyvan, razasłany na ziamli i na jakim stajaŭ Maksudšojeŭ, skruciŭsia. Nie vytrymaŭšy nacisku vietru, dyvan razam z načalnikam aeraporta adkinuła na vialiki kamień. Dyłdor Maksudšojeŭ mocna ŭdaryŭsia ab jaho», - paviedamlaje Asia-Plus sa spasyłkaj na krynicu ŭ milicyi rajona Darvaza.
Načalnik aeraporta pamior pa darozie ŭ balnicu, raspaviali va ŭpraŭleńni MUS pa rehijonie.
Zahinuły sustrakaŭ i supravadžaŭ prezidenta padčas jaho pajezdki ŭ Darvazski rajon napiaredadni. Načalnik aeraporta zahinuŭ u vioscy Jachčysor hetaha rajona. Heta byŭ apošni punkt pajezdki Rachmona. Z Charoha viertalot z Rachmonam adpraviŭsia ŭ Dušanbe.