U Mieksicy abviaścili trochdzionnuju žałobu pa zahinułych padčas ziemlatrusu, paviedamlajuć infarmahienctvy.
Mahutny ziemlatrus adbyŭsia la bierahoŭ Mieksiki ŭ noč na 8 vieraśnia. Pavodle apošnich danych, u vyniku stychijnaha biedstva zahinuŭ 61 čałaviek, paškodžany amal 1,5 tys. škoł, častkova abrynułasia balnica ŭ Chučytanie, jość pieraboi z elektryčnaściu i vodazabieśpiačeńniem.
Mahnituda ziemlatrusu skłała 8,2. Epicentr znachodziŭsia za 137 km ad horada Tonała. Ačah znachodziŭsia na hłybini 58 km. Paśla ziemlatrusu zafiksavana bolš za 450 paŭtornych padziemnych šturškoŭ mahnitudaj da 6,1.
