Hurts abviaścili datu vychadu novaha, čaćviortaha pa liku, studyjnaha alboma DESIRE. Prestyžnaja studyja Columbia Records daść jamu pucioŭku ŭ žyćcio 29 vieraśnia 2017 hoda. Adnačasova z hetym hurt anansavaŭ suśvietny tur u padtrymku alboma, jaki pačniecca ŭ kastryčniku sioleta. Minsku paščaściła stać adnym ź pieršych punktaŭ maršrutu. Tysiačy biełarusaŭ atrymali šaniec pačuć novyja pieśni suśvietnych zorak raniej, čym heta zmoža zrabić publika Hiermanii, Małdovy, Čechii, Aŭstryi, Italii, Polščy, Vialikabrytanii i Niderłandaŭ.
Videa dla adnoj z kampazicyj novaha alboma Hurts apublikavaŭ ŭsiaho miesiac tamu, i Beautiful Ones užo sabraŭ bolš za paŭtara miljona prahladaŭ. Upłyvovy časopis Paper nazvaŭ hetu kampazicyju «takoj ža vieličnaj i hrandyjoznaj, jak i albom Surrender». A vydańnie The Line of Best Fit acharaktaryzavała jaho jak «mahutny pop-sinhł, jaki daśleduje temy nianaviść, kachańnia, žorstkaści i pryhažości».
Formuła abajańnia dueta — hipnatyčny vakał Tea Chačkrafta i emacyjnyja, ale stylistyčna dakładnyja aranžyroŭki Adama Andersana. Hurts źmiašali sintypop, ńju-vejv i dyska ŭ dahetul niabačany seksualna-muzyčny kaktejl. A kali dadać łakaničny vizualny styl, arystakratyčnuju źniešnaść Adama i Tea, jakija byccam syšli z vokładki Vogue Homme, i ich najmahutniejšuju enierhietyku, robicca jasna, čamu albomy Hurts adzin za adnym atrymlivajuć status płacinavych u Hiermanii, Aŭstralii, Polščy, Rasii, Aŭstryi, Šviejcaryi, Finlandyi i inšych krainach.
Treba addać im naležnaje — brytanskija pryhažuny viedajuć, jak zavajavać trapiatkija dziavočyja sercy! Adam i Tea na kancertach miła hutarać z publikaj, dorać dziaŭčatam kvietki, achvotna ź imi fatahrafujucca i stvarajuć u zale atmaśfieru ramantyki, piaščoty i lubovi. A što dziaŭčaty? Jany adkazvajuć duetu poŭnaj uzajemnaściu: šalejuć, tančać, padpiavajuć i kryčyć ad zachapleńnia ŭ najlepšych tradycyjach lehiendarnych kancertaŭ 60-ch. Biełaruskim džentlmienam varta ŭziać sioje-toje sabie na zamietku.
U minsku stylovyja chartbrejkiery pradstaviać kampazicyi novaha alboma DESIRE, u tym liku ŭžo našumiełuju pieśniu Beautiful Ones. Nie zabuduć i pra chity, jakija atrymali pryznańnie nie tolki ŭ publiki, ale i maścitych krytykaŭ: Wonderful Life, Silver Lining, Happiness, Lights.
Darečy, uznaharody duet atrymlivaje nie tolki za modnyja videa i emacyjnyja pieśni. Vakalist Tea Chačkraft nie raz pryznavaŭsia aŭtarytetnym GQ i brytanskaj redakcyjaj Glamour samym stylovym i samym seksualnym mužčynam.
Atrymać u padarunak sa sceny biełyja ružy z ruk adnaho z samych pryvabnych sercajedaŭ śvietu ci sabrać tysiaču łajkaŭ za fotku z kancerta ŭ instahramie možna budzie ŭ Minsku 12 listapada.
Kancert Hurts u Minsku adbudziecca 12 Listapada 2017 hoda ŭ Pałacy sportu. Košty kvitkoŭ: ad 40 da 100 rubloŭ, tancplac — 70 rubloŭ. Infalinija: +375 (29) 3 405 106, +375 (29) 75 111 75.
Kupić kvitki možna na sajcie arhanizatara mierapryjemstva — kancertnaje ahienctva «Atam intertejnment» (biez kamisii), na sajty biletnych apierataraŭ, a taksama ŭ kasach horada.
