Adrazu dźvie hrodzienskija siamji zastalisia biez mašyn padčas letniaha adpačynku.
U pieršym vypadku hramadzianie adpravilisia ŭ bałharski Niesiebr na svaim BMV X5 2007 hoda vypusku. Pasialilisia ŭ hateli na bierazie mora, aŭtamabil pakidali pobač na nieachoŭnaj stajancy. U adnu noč mašynu skrali.
Druhi vypadak zdaryŭsia ŭ Čarnahoryi, horadzie Ułciń. Siamiejstva adpraviłasia tudy adpačyvać na «Falksvahienie Tyhuanie» 2010 hoda vypusku. Tut złamyśniki nikoha nie saromiejučysia skrali mašynu prosta siarod biełaha dnia. Usio zdaryłasia, kali biełarusy pryjechali na plaž i byli na mory. Aŭtamabil skrali ź nieachoŭnaj masavaj parkoŭki. Uskładniła situacyju dla hramadzian i toje, što ŭ mašynie zastalisia ŭsie ich dakumienty, u tym liku pašparty, paviedamlaje hrodzienskaja milicyja.
