Prajekt Automaton Rover for Extreme Environments (AREE) byŭ upieršyniu prapanavany jašče ŭ 2015 hodzie. AREE — heta rovier, jaki vykarystoŭvaje surovyja ŭmovy Vieniery, naprykład, viecier, dla padtrymki pracy svajho miechaničnaha kampjutara. Daśledčyki ličać, što va ŭmovach Vieniery lepš spadziavacca na miechaniku, čym na składanyja elektryčnyja sistemy kiravańnia.
Pakolki atmaśfiera Vieniery prykładna ŭ 90 razoŭ ščylniejšaja za atmaśfieru Ziamli i nahravajecca da 460 hradusaŭ Celsija, raspracoŭščyki majuć zrabić dastatkova nadziejnuju pryładu, zdolnuju vytrymać atrutnyja ŭmovy płaniety.
Fota: NASA
Vieniera i raniej była abjektam daśledavańnia, ale ni adzin aparat nie zmoh pracavać na pavierchni płaniety praciahły čas. Členy kamandy prajekta AREE miarkujuć, što zmohuć vykarystoŭvać kod Morze i śpiecyjalnyja miechaničnyja kampjutary, kab stvaryć idealny zond dla Vieniery. Pa płanach, rovier musić adpraŭlać paviedamleńni z dapamohaj koda Morze na pavietranyja šary ŭ atmaśfiery Vieniery, jakija, u svaju čarhu, buduć pieradavać ich na Ziamlu.
Prama ciapier kamanda AREE znachodzicca na druhim etapie prahramy Innovation Advanced Concepts ad NASA — etapie raspracoŭki dyzajnu roviera.
