Siebaśćian Karaś staŭ pieršym, chto pierapłyŭ Bałtyjskaje mora z Polščy ŭ Daniju, fota facebook.com
26-hadovy Siebaśćian Karaś ustalavaŭ suśvietny rekord: čałaviek upieršyniu ŭ śviecie pierapłyŭ Bałtyjskaje mora z Polščy ŭ Daniju, pieradaje Polskaje radyjo.
Polski płyviec pieraadoleŭ amal 100 km ź plažu polskaha horada Kałobžeh da dackaj vyspy Bornchalm za 28 hadzin i 30 chvilin. Płyviec startavaŭ z polskaha ŭźbiarežža ŭ paniadziełak u 20:09, a prypłyŭ na Bornchalm u sieradu ŭ 00:30.
Padčas ustalavańnia rekordu palaka supravadžała vyratavalnaja hrupa na katary. Zrešty, jon nie moh kantaktavać ź joj i ŭvachodzić u płaŭsrodak. Kožnuju hadzinu jamu z dapamohaj pałki pieradavali ježu.
Adznačajecca, što samaj vialikaj prablemaj płyŭca pry ŭstalavańni rekordu była nizkaja tempieratura vady ŭ mory.
Karaś źjaŭlajecca prafiesijnym płyvunom. U 2015 hodzie jon ustalavaŭ rekord Polščy, pierapłyŭšy Ła-Manš za 8 hadzin 48 chvilin.
U žniŭni 2016 hoda jon užo sprabavaŭ pierapłyści Bałtyjskaje mora tym ža maršrutam, ale paśla pieraadoleńnia 30 kiłamietraŭ płyviec admianiŭ zapłyŭ u suviazi ź vialikimi chvalami i prykmietami marskoj chvaroby.
